मोर गाँव के हाट

🌷मोर गँवई के हाट🌷

शहर शहर नगर घुम ले,
जिला घुम ले हजार!
नई मिलय मोर गाँव  कस
अईसन परसिध बजार

ले ले चाहे चना फुटेना,
अऊ सोनहा के हार,
अईसन हावय संगी,
मोर गाँव के बजार,

ले ले चाहे छेरी कुकरी,
अऊ दुधियारीन बगार,
अईसन हावय संगी,
मोर गाँव के बजार!!

ले ले चाहे मेवा मिठई
अऊ रसगुल्ला रसदार,
अईसन हावय संगी,
मोर गाँव के बजार!!

ले ले चाहे मिठा सुपारी,
अउ पान के घलो भण्डार,
अईसन हावय संगी,
मोर गाँव के बजार!!

ले ले चाहे तोरई करेला,
अऊ मुनगा गुदार,
अईसन हावय संगी,
मोर गाँव के बजार!!

ले ले चाहे कलमी आमा,
अउ गरती रसधार,
अईसन हावय संगी,
मोर गाँव के बजार!!

संझा के बेरा मा लागथे,
दिन के गा सम्मार,
अईसन हावय संगी,
मोर गाँव के बजार!!

      ✏श्रवण साहू
   गांव-बरगा बेमेतरा (छ.ग.)
   मोबा. +918085104647