बुधवार, 4 नवंबर 2015

छत्तीसगढ़िया क्रांति सेना

  "नईहे अगोरा" - "आगे हे बेरा"

जाग जाग करमईता लाल
देख अपन महतारी के हाल
                छत्तीसगढ़ महतारी रोवत हे
               बीर नारायन मन ला जोहत हे
अन्याय सहत हे हमर महतारी
सुसकत बिलखत हवे बिचारी
                    भ्रष्टाचारी किरा चाबत हे
                    अत्याचारी घेंच दाबत हे
दाई के गहना ला नंगालिस
संस्कृति मा आगी लगा दिस
                दाई के दुलरवा किसान घलो
                 रोवत हे! हवे हलाकान घलो
हमर घर मा दुसर के राज
हम भीखारी अऊ वो महराज
                  कपटी के होगे हवे सियानी
                     अऊ करत हवे मनमानी
कईसे तोला लाज नई लागय
काबर तोर नींद नई भागय
              महतारी के चल छुटबो करजा
                जग मा देवाबो वोला दरजा
लाल लाल लाल लाल कर देबो
कपटी के बारा हाल कर देबो
           बैरी के जूरमिल काल कर देबो
           लाल लाल लाल लाल कर देबो

         रचना- श्रवण साहू
         गांव-बरगा जि.-बेमेतरा
         मोबा. +918085104647
                

कोई टिप्पणी नहीं:

एक टिप्पणी भेजें